Бидний төслүүд

ЭДЮКАТ – Нүүдэлчин өрхүүдийн шинэ сургууль

Хүүхэд бүхэн сурч боловсрох эрхтэй гэдэгтэй хэн ч маргахгүй биз ээ. Гэвч Монгол орны өргөн уудам тал нутагт сургууль цэцэрлэгт явна гэдэг нийтлэг биш бөгөөд хэрэгжүүлэхэд ч хялбар биш юм. Чухал ач холбогдолтой боловсролын төслийг хэрэгжүүлж, ажиллуулахын тулд орон нутгийн маш олон оролцогч, хамтрагчдын амлалт, хүчин чармайлт шаардагддаг. Дөрвөн жилийн өмнө 2014 онд манай Out of NowHere-ын зүгээс энэхүү асуудлыг шийдвэрлэхэд идэвхтэй оролцогч байхыг хүсч, Монголын төв нутгийн нүүдэлчин өрхүүдийн хүүхдүүдэд тогтмол боловсрол олгоход хувь нэмрээ оруулахаар шийдсэн билээ.

Тиймээс боломжит шийдлүүдийг олох зорилгоор Фредерик Роман-Хаудурой, Жигжидсүрэнгийн Соёлмаа нар Францын хүмүүнлэгийн ажилтан Алайн Гросман-тай уулзсан юм. Хөдөө орон нутагтай танилцаж, нутгийн захиргаа, төрийн бус байгууллага, сургалтын байгууллагуудтай уулзсаны эцэст тэд цоо шинээр ЭДЮКАТ төслийг Монголд эхлүүлэхээр болсон юм. Тус төслийн үндсэн санаа нь нүүдэлчин өрхүүдийн хүүхдүүдэд зориулан гэр доторх сургууль барих юм. Монголын ЭДЮКАТ холбоо нь Франц дахь олон улсын түнш байгууллагатай хамтран Монгол улсад улсад байгуулагдсан билээ. Үүнд манай Out of NowHere нь энэхүү төслийн орон нутаг дахь гол түнш нь болсон бөгөөд, санхүүгийн туслалцаа үзүүлэх, нутгийн нийгэмлэгийг удирдах, харилцаа холбоо, тээвэрлэлт зэрэг асуудлуудыг шийдэн ажиллаж байна.

Анхны гэр сургууль маань үзэсгэлэнт Орхоны хөндийн БатӨлзий сумд баригдаж, дараа нь Хархорин хотын ойролцоох Шанх сумд хоёр дахь гэр сургуулиа бид байгуулсан байгаа. Гурван жилийн турш эрчимтэй хамтран ажилласны эцэст бид орон нутагтаа хийж гүйцэтгэсэн ажлаараа ихээхэн бахархаж байгаа бөгөөд, Монголын Боловсролын яам, ЮНИСЕФ, Өвөрхангай аймаг болон орон нутгийн сумдын үзүүлсэн дэмжлэгүүдэд талархаж байна. Бүх оролцогч талуудын тасралтгүй дэмжлэгийн ачаар энэхүү төсөо маань энэ жил гурав дахь сургуулиа барьж, нүүдэлчин хүүхдүүдийн боловсролын хүртээмжийг өргөжүүлэх билээ.

Энэхүү төслийг хэрэгжүүлэх өөрсдийн үүрэг хариуцлагаа улам гүнзгийрүүлэхийн тулд бид 2018 онд Out of NowHere брэндээр үйлчлүүлэгчдийн ор хоног тутамд 1000₮-ийг ЭДЮКАТ-ын дэмжлэгт хуваарилна. Та бидэнтэй хамтран өөрийн хувь нэмрээ үзүүлнэ гэдэгт бид итгэж байна! Таны зүгээс хувь нэмрээ оруулах олон төрлийн сонголтуудын талаар илүү ихийг мэдэхийг хүсвэл бидэнтэй холбогдоорой.

Доорх бичлэгээс анхны гэр сургууль маань хэрхэн байгуулагдаж байгааг үзээд, ЭДЮКАТ хуудсаар зочлоорой